Andre kull på Nynorsk scenespråksenter er her!

Måndag 18. august kom andre kull på Nynorsk scenespråksenter til Nynorskhuset og Teater Vestland.

Denne gjengen, beståande av Margrethe Grodås, Petter Westlund, Katrine Lovise Øpstad Fredriksen og Kjetil Solberg Stavenes er klare for å ta fatt på det 14 veker lange kurset i språk- og dialektovergang i Førde. Dei gler seg til å bli utfordra i dialektovergang, bli betre kjend med nynorsk og dialekter, og ikkje minst, etter 14 veker, å snakke flytande sunnfjording.

Hausten deira kjem til å bli travel med kurs, framsyningar, gjesteforelesarar og turar til andre teater og nynorskinstitusjonar!